General Santos City—gingkagol na sa silda sa Police Station 1 ang usa pa pusher human nga nasikop atol sa gihimong buybust operation sa kapulisan nga gipahigayon sa Recto Street Corner Santol Street, Barangay North Gensan, alas 9:55 ang takna kagabie, Feb. 1, 2018.
Giila ang suspek nga si Nutazim Tausing, 21, lumad nga residenti sa Barangay Poblacion, Palimbang, Sultan Kudarat ug temporaryong nagpuyo sa Quezon Avenue, Barangay North, Gensan.
Nasayran nga napalitan ug (1) ka sachet sa gituohang shabu ang nasangpit nga suspek gamit ang P500.00 nga marked money. Samtang laing (2) ka sachet sa gituohang shabu ang nakumpiska sa kapulisan gikan sa posisyon sa suspek.
Kasong kalapasan sa R.A 9165 ang gikatakdang ipasang-at nga kaso sa kapulisan batok sa suspek kansa balhog karon sa silda sa Police Station 1.
