Mukabat sa 21 ka mga Militia ng Bayan kon MB ang nitahan sa 8th Infantry Battalion, Philippine Army kaniadtong Biyernes, July 19 ning tuiga.
Sa interview sa RMN Malaybalay ngadto kang Lt. Kenneth Cabbigat, ang civil military operation officer ug spokesperson sa 8th IB gibutyag niini nga nitahan kini atol sa gihimong Community Support Porgram kon CSP Grand Pulong-pulong sa Barangay Can-ayan ning siyudad sa Malaybalay kaniadtong Biyernes.
Matud ni Cabbigat nga gawas sa 21 ka mga MB, laing 19 ka mga miyemro sa Sangay sa Partido sa Lokalidad kon SPL ang nitahan, 45 ka miyembro sa Pambansang Kilusan ng Magbubukid kon PKM, 30 ka meyembro sa Malayang Kilusan ng Bagong Kababaihan ug 16 ka miyembro sa Kabataang Makabayan.
Sa kinatibuk-an anaa sa 131 ka mga supporters ang nag-withdraw sa ilang suporta ngadto sa Company Dario, Sub-Regional Command 2, North Central Mindanao Regional Command sa NPA.
Samtang sa pikas bahin naka-alerto karon ang kasundaluhan atol sa State of the National Address ni Pangulong Duterte.
Matud ni Cabbigat nga wala usab silay namonitor nga grupong magpahigayon ug lihok protesta karong adlawa.
Daghan checkpoint usab ang ilang gimontar sa ilang AOR.
