*General Santos City— Pakyas nga madakpan sa mga personahe sa PDEA 12 uban ang tropa sa 33rd IB ang duha ka mga target atol sa gihimong search warrant operation sa Brgy. Buricain, Pigcawayan, North Cotabato.*
*Sumala kang Kath Abad, tigpamaba sa PDEA 12 nga target sa maong operasyon mao silang Abdulsalam Maraguiar alyas Arnel ug Antolin Akmad Alyas Luming.*
*Wala matud pa sa ilahang panimlay ang mga target apan gipadayon gihapon ang operasyon.*
*Dugang pamahayag ni Abad nga nakuha gikan sa panimalay ni Maraguiar ang usa ka medium sachet sa gituuhang shabu nga adunay street value nga kapin 43mil.*
*Samtang sa balay ni Akmad, nakuha ang upoat sa sachet sa gituuhang shabu nga gibana-banaang anaa sa kapin 170mil, ang mga nahisgutan ang gika-ingong miyembro sa usa ka organisado ug armadong grupo nga nagapayuhutan ug illegal nga droga.*
*Pagpaklaro ni Abad nga bisna ug wala madakpan ang duha ka mga target, pabilin niolang ipasang-at ang kasong pagsupak sa Sec. 11 sa R.A 9165.*
*Nagdumili man usab si Abad nga ibutyag ang pangalan sa maong grupo kung asa aduna pa silang mga ginagukod nga mga miyembro. Saysay pa niya nga wala silay narekober nga mga armas atol sa maong search operation sa pagtuong kini ang gipangdala sa mga suspek.*
*Nasayud na usab sila sa ginakuhan ug droga sa maong grupo apan padayon ang ilahang case build-up kabahin niini ung asa sagad matud pa kanila ang nagalihukan sa North Cotabato ug mga kasikbit nga mga lugar.*
