General Santos Ciy—sikop sa operatiba sa City Drug Enforcement Unit (CDEU) ang usa ka 22 anyos nga lalaki atol sa gihimong buybust operation alas 7:30 ang takna sa gabie sa National Highway, sakop sa Barangay Bawing ning dakbayan sa Gensan.
Suspek giilang si Lykin Gomez, 22, residenti sa Purok Bombil, Barangay Bawing ning dakbayan.
Nasikop ang nasangpit human kining napalitan ug Marijuana gamit ang P100.00 nga marked money. Nakuha sa posisyon sa suspek ang mga pinaugang dahon sa marijuana nga nagkantidad ug P700.00.
Wala na makapalag ang suspek human nga nakuhaan kini ug ebidensya. Sa karon ang nahisgutan balhog na sa silda sa Police Station 5 ug ginahikay na karon sa CDEU ang pagpasang-at ug kaso batok sa nasangpit nga suspetsado.
Facebook Comments
