General Santos City—Nagpaabot sa iyang reklamo dinhi sa RMN Gensan ang 22 anyos nga si Roel Collado, taga Ruby Compoun, Brgy Lagao ning dakbayan human matud pa syang gipuspusan ug botelya sa gituohan niyang tag-iya sa explore bar dinhi sa Gensan.
Sumala ni Collado nga alas 3:00 sa kaadlawon igo lang siyang nagsayaw sulod sa maong bar ug dayon sa iyang paglingkod sa ilang lamesa kalit na lamang miduol kaniya ang matud pa tag-iya ug gibunalan ug botelya ang iyang ulo.
Tungod niini migawas matud pa ang reklamante apan sa gawas gikulata usab siya sa mga trabahante sa maong istablisimento.
Matud ni Roel nga wala man syay nahimong sala hinungdan nga buot niyang mupasaka ug reklamo baton sa tag-iya sa explore bar ug uban pa nga mikulata kaniya.(Jordan Britos)
