Davao City – Daling gidala sa Southern Philippines Medical Center (SPMC), ang usa ka Raymond Requinto, 22 anyos, ug nagpuyo sa Barangay Indangan, Distrito sa Buhangin, Davao City, human tigbasa sa iyang bayaw sulod sa billiard hall sa susamang lugar alas 7:00 sa gabii.
Base sa record sa Traumatic Center (SPMC), nagpustaanay ug nagdula’g billiard ang biktima ug suspect tungod kay hawod ang biktima napildi ang bayaw.
Wa magdahum si Raymond nga nasuko ang iyang bayaw rason nga mikuha kini’g lagaraw ug gitigbas kaniya.
Maayo na lang kay nakabantay si Raymond iya kining nasagang pinaagi sa kamot hinungdan sa pagkasamad niini.
Human sa insidente ang bayaw gilayong milayas samtang si Raymond gihatud sa hospital.
RadyoMaN Joel Viray
Facebook Comments
