22 ANYOS NGA LALAKI PATAY HUMAN GIDUNGGAB SA HANGGING BRIDGE SA BARANGAY TAMBACAN

Dead on Arrival sa tambalanan ang 22 anyos nga lalaki human kini gidunggab diha sa bag-ong tulay o hanging bridge sa barangay tambacan mag alas otso sa gabii niadtung sabado.
  Giila ang biktima nga si Aron Buoc Clapano ug lumolopyo sa purok 3 barangay tambacan kinsa naka-angkon ug daghang samad dinunggaban sa iyang lawas nga maoy hinungdan sa iyang hinanaling kamatayon.  
Matud ni Station 4 Commander Police Captain Royre Tabuclin nga dugay na nga away ang posibleng hinungdan sa maong panghitabo.  
Kini tungod mismong ang biktima man ang nakigkita sa suspect nga giila lang sa pangalan nga si Jordan aron istoryahan sumala pa ang ilang problema.  
Apan, imbis nga ma-resolba ang ilang bikil misangpot hinoon kini sa pagdunggab patay sa nasangpit nga biktima.  
Padayon pa ang gihimong imbestigasyon karon sa kapulisan labot sa nasangpit nga panghitabo.

Facebook Comments