Ginapreparahan sa subong sang Integrated Provincial Health Office sang South Cotabato ang isa pa ka round sang vaccination program sa Marso 16 tubtob 22 gamit ang AstraZeneca vaccine.
Suno kay Provincial Immunization Program Coordinator Genesis Navales, yara sa 22 ka mga infirmary, secondary kag tertiary private kag government hospital sa South Cotabato ang makabaton sang AstraZeneca vaccine para sa ila nga mga healthcare workers kag mga staff.
Samtang sa 22 ka mga ospital suno kay Navales nalakip dire ang lima ka mga referral hospital nga ang mga healthcare workers nila nga wala nabakunahan sang Sinovac vaccine amo ang makabaton sang AstraZeneca vaccine.
May-angot sini, ginaawhag niya ang mga healthcare workers sa mga private kag government hospital sa probinsya nga magpalista agud nga mahatagan sang alokasyon sang AstraZeneca vaccine.
