Kinumpirma ni PNP Chief Police Gen. Oscar Albayalde na mayroon pang 22 ninja cops ang kabilang ngayon sa minomonitor ng PNP.
Sa bilang na ito 3 ay commissioned officers at 19 naman ang non commissioned officer.
Sa tatlong Police Commissioned Officer sinabi ni Albayalde na isa rito ay mayroong ranggong Police Major.
Inihayag ni Albayalde, na kabilang ang 22 sa unang listahan ng pamahalaan na 87 na ninja cops.
Karamihan umano sa mga ito ay nasibak na sa serbisyo, nasuspinde, nagretiro at nag-AWOL na.
Dahil dito tiniyak ng PNP na hindi nila titigilan ang mga pasaway nilang kabaro.
Ito’y sa gitna pa rin ng usapin tungkol sa ninja cops o mga pulis na sangkot umano sa pagre-recycle ng iligal na droga.
Iginiit rin ni Albaylde na mas paiigtingin pa nila ang kanilang internal cleansing campaign para hindi mahaluaan ng mga pasaway na pulis.
