Miabot na sa 225 ang ihap sa mga nabakunahan ug dengvaxia sa Caraga Region as of January 15, 2018. Kini basi sa resulta sa gipahigayong surveillance sa Department of Health (DOH) Caraga.
Sigun ni Dr. Dioharra Aparri, Regional Epidemiological & Surveillance Unit Head, duha sa maong ihap ang gikan sa Luzon nga dinhi na nagpuyo sa rehiyon, 122 ang lalaki ug 103 ang babaye na nag-edad ug 0-50 anyos.
Sa 225 nga nabakunahan, 124 sa Agusan del Norte, 39 sa Agusan del Sur, 33 sa Surigao del Norte, 19 sa Surigao del Sur, 6 sa Dinagat Province ug adunay 6 nga anaa sa listahan nga walay address, apan sa dihang gisusi sa ahensya nasayran nga anaa kini sa Agusan del Norte.
Ang maong ihap ang nakuha sa ahensya sukad nga gisugdan ang niini ang surveillance and monitoring niadtong Disyembre 7, 2017 human nagpagawas ug advisory ang Sanofi nga dili pwedeng bakunahan sa dengvaxia kadtong walay history sa dengue fever.
Giklaro na ang maong data nakuha sa DOH sa Community Pediatric Society in the Philippines.
Una nang gibutyag, nga wala nanghatag ug dengue vaccine sa mga eskwelahan sa Caraga ang ahensya kundi ang mga namonitor mao ang mga nabakunahan sa mga private doctor’s ug private clinics sa rehiyon.
Sa karon aduna pay tulo ka mga Pediatrician sa Caraga nga wala pa naghatag sa listahan sa ilang mga nabakunahan ug dengvaxia.
