Davao city – Gikatakda ipresentar sa Interface Development Interventions kun IDIS kang Mayor Inday Sara Duterte-Carpio ang 228 ka Bantay Bukid Volunteers sunod bulan.
Sumala ni IDIS Executive Director Chinkee Golle nga gikumpleto na lamang ang mga uniporme alang kanila aron presentable sila muatubang sa mayor sunod bulan.
Sigun ni Golle nga ipailawom sa final training ug briefing ang mga Bantay Bukid volunteers diin personal usab mupa-abot og pagpasalamat ang Mayor tungod sa ilang pag hinlo ug pagbantay sa watershed.
Madawat na sab sa mga volunteers sa Bantay Bukid ang dos mil ka pesos nga insentibo nga gikan sa lokal nga kagamhanan alang sa ilang pagduty og napulo ka adlaw una mahuman ang buwan sa Sityembre.
Ang 228 ka Bantay Bukid volunteers gikan sa 13 ka barangay sa 3rd district ug kadaghanan kanila mga residente ra sa mao nga mga barangay diin ipangkatag sila sa Tamugan ug Lipadas watershed.
RadyoMan Joel Viray
