Davao City – Walay natalang significant side effects sa COVID-19 vaccine ang mga recipients nga mga senior citizens sa Davao Region.
Sa eksklusibong interbyu sa DXDC RMN Davao kang Dra. Annabelle Yumang, Department of Health Region XI Regional Director, 22, 281 na ka mga senior citizens ang nabakunahan gamit ang Astrazeneca, Pfizer ug Sinovac vaccines sa Mayo 21, 2021.
Mokabat sa 353, 260 ka mga seniors ang gitakdang bakunahan sa tibuok Davao Region.
“Kung ato ni siyang ibase sa atong masterlist 6% pa lang kini sa atong bakunahan,” sumala ni Yumang.
Segun ni Yumang, gipaningkamutan sa DOH XI nga mahuman ang vaccination sa A2 priority group kun mga senior citizens sa Hunyo apan mag-agad gihapon kini sa supply sa mga bakunang moabot sa Region XI.
RadyoMaN Aimee Guinita
