23 anyos luwas sa pagpamusil samtang gunman gigukod sa kapulisan

37

Davao City – Nilusad og hot pursuit operation ang Tagum City Police Office batok sa suspek sa pagpusil sa usa ka 23 anyos nga lalaki sa may Purok Ferido, Brgy. Mankilam, Tagum City.

Giila sa Tagum PNP ang biktimang si Arnie Podador, 23 anyos ug residente sa Purok Galingan, Tagum City, Davao del Norte.


Sa report sa kapulisan, niadtong Mayo 24, 2021 alas 2:40 sa kadlawon, samtang anaa sa gawas sa usa ka videokehan ang biktima, kalit lang nitungha ang usa ka motorsiklo nga walay plate number ug gipusil kini sa makadugang higayon.

Samdan ang abaga sa biktima ug dali kining nadala sa Davao Regional Medical Center.

Sumala sa Tagum Police, luwas ug padayong gapaalim sa ospital ang biktima.

Blangko pa ang kapulisan sa motibo sa pagpamusil.



Gimanduan ni sa labaw sa Tagum PNP nga PMAJ Joselito Tan Jr. ang mga personahe niini nga tutukan ang kaso aron ma-identify ug maaresto ang suspek sa pagpamusil.


RadyoMaN Aimee Guinita

Facebook Comments