SafeDavao QR magamit na sa COVID-19 vaccine pre-registration

44

Davao City – Mamahimo na nga mag pre-register alang sa Coronavirus Disease 2019 (COVID-19) vaccination program pinaagi sa SafeDavao QR Mobile App Scanner o Website: profiles.safe-davao.com sugod kagahapong adlawa (Mayo 25, 2021).

Makita sa ibabaw sa screen ang “COVID-19 Vaccine Pre-Registration is now open for individuals”.


Kinahanglan lamang nga i-click ang “Register” ug mo-log in gamit ang individual DQR code, registered mobile number, ug birth date.

Sigurodohon usab nga mabasa og tarong ang tanang impormasyon una tubagon ang mga pangutana.

Magpaabot lamang sa anunsyo kung kanus-a ang schedule sa imong priority group diin kini ipahibalo pinaagi sa District Health Office o sa DQR message.

Sa tanang indibidwal na sakop sa pagkakaron nga priority groups (A1-Health Care Workers ug A2-Senior Citizens) nga nahuman na og pre register o di kaha nahuman na og bakuna, DILI na kinahanglan magpa pre register usab gamit ang SafeDavao QR.



Alang sa dugang pangutana sa Vaccine Pre-Registration, mamahimong i-contact ang DQR Vaccination Helpline gikan Lunes hangtod Biyernes (8AM – 5PM) sa Smart: 0919 455 9110 / Globe: 0927 022 9065.


RadyoMaN Kirby Manzon

Facebook Comments