General Santos City—tingkagol na karon sa silda sa Police Station 4 ang 23 anyos nga sikad driver kansa suspek sa pagpanglugos sa 11 anyos nga estudyante sa area sa Purok Udagre, Barangay Conel, Gensan.
Suspek giilang si Jethro Roseta, 23, sikad driver, residenti sa Purok Labus, Barangay Fatima, Gensan.
Sa inisyal nga imbistigasyon sa kapulisan, nasuta nga alas 3:00 pasado ang takna sa hapon, kagahapong adlawa nisakay ang 11 anyos ng estudyante ngadto sa gimanihuang sikad sa suspek.
Nagpahatod ang nahisgutan sa Purok Malakas, Barangay San Isidro, apan inay idiritso sa nasangpit ang biktima sa ilang panimalay, gidala hinuon niini ang nahisgutan sa manggahan sa may Purok Udagre ug didto na gihimo ang pagpanglugos.
Sa pagsuta ang mga tudlo lang niini ang iyang gigamit sa pag-among among sa bata. Human gihimo ang krimen iya pang gihatod ang biktima sa ilang panimalay mao nga siya gidakop sa mga residenti sa lugar ug sa amahan sa biktima. Sa karon balhog na sa silda sa Police Station 4 ang suspek ug ginaandam na ang kasong ipasang-at batok kaniya.
