General Santos City–Dugay na matud pa nga ginasundan sa Police Station 6 ang suspetsado nga si Barnie Magbutay Defelipe alyas Nog-Nog, 23 anyos nga nanimuyo sa block 1, Asai Village, Barangay Bula ning syudad nga nalambigit sa iligal nga droga hinungdan nga gikasa ang usa ka buybust operasyon batok kaniya.
Sumala pa ni Police Major Tirso Pascual ang hepe sa Police Station 6 nga ang nasampit nga suspect ang napalitan ug usa ka sachet sa gikatahapang shabu ug nakuha sa iyahang posisypon ang 9 ka lain pang sachet sa shabu ingon man ang P500 nga mark money.
Sagad matud pa sa mga parokyano sa nahisgutang suspect ang mga kaila niini ug mga tricycle driver nga naga-gamitan ug iligal nga droga.
Samtang gikabutyag usab ni Pascual nga dili gikan sa syudad ang mga droga nga ginabaligya niini ug gihatag na nila ang impormasyon sa ilahang mga counterpart sa ubang munisipalidad ang mga gibutyag sa nahisgitang suspect ngadto kanila.
Mag-atubang ug kasong pagsupak sa RA 9165 sec. 5 ug sec. 11 ang suspetsado kansa nakakustudiya na karon sa selda sa Police Station 6.(Dave Silagan)
