Aurora, Zamboanga del Sur – Patay human gipusil ang usa ka lalake sa may 4:40 sa hapon adtong niaging adlaw October 15, 2020 sa Purok Makugihon, Brgy. Campo Uno, Aurora, Zamboanga del Sur. Ang mga elemento sa Aurora Municipal Police miila sa biktima nga si Jonard Lariosa Torres, 23 anyos, lalake, dunay live-in partner, lumulupyo sa Purok Maalagaron, Brgy. Campo Uno, Aurora, sakop ning probinsya sa Zamboanga del Sur.
Nakahiagom ang biktima og ubay-ubay nga igo sa iyang lawas particular mente sa tuong bahin sa iyang dalungan, og sa iyang wala nga bahin sa iyang paa nga maoy nahimong hinungdan sa iyang hinanali nga kamatayon. Sumala pa sa investigation nga gipahigayon sa mga kapulisan nga kining biktima nagmaniho kini sa iyang motorsiklo padulong sa Purok Maalagaron, Brgy. Campo Uno, sa dihang kalit kining giatangan og dihadiha gipusil ang biktima.
Human sa maong pagpamusil kalit nga mibiya ang ang suspetsado ngadto sa kasagbutan nga bahin padulong sa Purok Santa Ana, Brgy. Campo Uno, Aurora. Narecober sa lugar ang mga buhing basyo sa calibre 45 nga pistola. Sa pagkakaron padayon pa ang gihimong investigasyon og follow up nga operasyon sa Aurora Municipal Police Station aron sa pagsakuti sa maong suspetsado og aron mahibaw- an ang motibo sa maong pagpatay.
Aa
