Tungod sa away 23 anyus miambak sa gisakyan nga motor nabanggaan patay
Patay ang usa ka 23 anyos nga dalaga nga biktima sa hit and run diha sa Km3 Brgy. Libertad ning syudad sa Butuan bandang alas 2:20 ang takna kaganinang kaadlawon human kini milukso sa gisakyang motor ug aksidenting naligsan sa nagsunod nga sedan.
Giila ang biktima nga si Mary Grace Orias Millana, 23 anyos, dalaga ug residenti sa Purok 5 Damayan, Brgy. Libertad ning syudad.
Migawas sa imbistigasyon sa Butuan City Police Station 3 nga nagsakay ang biktima sa Yamaha MIO nga motorsiklo nga nagdala sa temporaryong plaka numero 150105 nga gimanehu sa iyang ka-live in partner nga si Jonalyn Lacson Taroja, 25 anyos, ug residenti sa Brgy. Basilisa, RTR Agusan del Norte.
Gilagbas ang JC Aquino Avenue padulong sa Brgy. Libertad apan paghidangat niini sa junction sa Josephine Homes Subdivision sa KM 3 brgy. Libertad kalit milukso sa motorsiklo ang biktima tungod sa away hinungdan nga nadasmagan sa puti nga sedan nga sakyanan.
Human sa insidenti daling misibat ang driver sa sedan padulong sa Brgy. Libertad ug gibiyaan ang biktima.
Gidala pa unta sa Agusan del Norte Provincial Hospital ang biktima apan paglabay sa pipila ka oras gideklara kining patay ni Dr. Anthony Francis Medillo ang attending physician (with report archer capadeso/ivy falcone).
