General Santos City – laing miyembro sa New People’s Army (NPA) ang mitahan sa kamot sa awtoridad didto sa Sultan Kudarat.
Nasayran nga mukabat sa 23 ka miyembro sa Guerilla Front 73 sa NPA ang misurender gikan sa Senator Ninoy Aquino. Gisurender usab sa mga nasampit ang (4) ka M1 Garand Rifle, (1) M14 rifle ug (2) ka Pistola.
Rason matud pa sa mga nahisgutan sa pagtahan ang dili na maagwantang kakapoy sa pagtago-tago sa kabukiran ingon man ang tumang kakapoy nga ilang nasinatian.
Nasayran nga niadtong Enero 10, 2018, laing 9 ka miyembro sa NPA ang misurender sa Militar ilawom sa 33rd Infantry Battalion.
Samtang gilauman sa militar nga aduna pay daghang miyembro sa NPA nga musurender ngadto kanila human nga daghan na sa ilang kaubanan ang mibalik sa sabakan sa gobyerno.
