232 ka mga kadete sa PNPA nagpositibo sa COVID-19

21

Gi-extend pa ang lockdown sa Philippine National Police Academy (PNPA) sa Silang, Cavite human nga nagpositibo ang 232 ka mga kadete ug 11 ka mga personnel sa reverse transcription–polymerase chain reaction (RT-PCR) tests sa coronavirus di­sease (COVID-19).


Matud ni Maj Gen Gilberto Cruz, hepe sa PNPA, kanunay nga ginamonitor sa mga doctor ang kahimtang sa mga kadete ug mga personnel nga nataptan sa virus nga gi-quarantine sa lima ka isolation facilities nga kumpleto og mga kagamitan.

Ingon pa ni Cruz nga muabot sa 16,000 face masks, 1,100 carry-on canisters ug alcohol ang nahatag na sa mga kadete aron pugngan ang pagkatag sa maong balatian. Nakadawat sad ang mga kadete og 11,000 capsule sa Vitamin C para sa ilahang 14-day quarantine.

Kahinumduman nga una ng gi-lockdown ang PNPA niadtong Setyembre 3 ug mahuman na unta sa Setyembre 18 human nga nagpositibo ang pipila ka mga kadete.

Facebook Comments