235 KA BAG-O NGA KASO NALISTA SANG DOH 6 SA WESTERN VISAYAS SUBONG NGA BIYERNES

13

Naglab-ot naman sa 235 ang nadugang sa listahan sang DOH-6 sa mga natapikan sang COVID-19 sa Western Visayas subong nga Biyernes.

Bangud sini nagsaka na sa 13,221 ang kabug-usan nga kaso sang COVID-19 sa rehiyuon 6 kon sa diin 3,773 diri ang active cases

Base sa COVID-19 case bulletin 196 nga ginpaguwa sang DOH-6,May pinakamadamo nga bag-o nga kaso ang nalista sa Negros Occidental nga may 72; ginasundan sang Siyudad sang Iloilo nga may 63; Siyudad sang Bacolod nga may 60; Probinsya sang Iloilo may 30; kag Probinsya sang Capiz nga may 10 ka kaso.

Subong man, Nag-ayo naman sa balatian ang dugang nga 69 ka pasyente kabangdanan naglab-ot naman sa 9,132 ang mga nakarecover.

Apang, Nagsaka naman sa 316 ang mga napatay sa nasambit nga balatian sa rehiyon 6 matapos 13 pa ka pasyente ang ginbawian sang kabuhi.


Facebook Comments