Bangkay sang lalaki nga nasulod sa sako sa banwa sang EB Magalona ginkilala sang live-in partner matapos nabatian sa DYHB

20

Nakilala na ang bangkay nga brutal ginpatay kag ginsulod sa sako sa Hda. Sta. Monica, Brgy. Tabigue, EB Magalona, nga nasapwan mga las 2:00 sang kaagahon, Oktubre 9.

Ginkilala ang biktima kay Nilo Fuentes, 54 anyos sang Purok Lamperong, Barangay 2 syudad sang Bacolod. Ini ang ginkilala mismo sang iya nga live-in partner nga si Ellyn nga nagpadulong mismo sa punerarya sa banwa sang EB Magalona matapos nga nabatian sa DYHB.

Suno sa live-in partner sang biktima nga mga las 11:30 sang gab-i, Oktubre 8, sang gin pick-up sa isa ka panahuran sa BREDCO sang wala ma identify nga mga suspek ang iya bana kag ginpasakay sa itom nga van.

Si Fuentes ang nasapwan nga wasak ang likod nga parte sang iya ulo, puno sang pilas ang nawong, gin-utod ang index finger sa nawala nga kamot sini, kag nakabaklid pa ang kamot gamit ang packing tape samtang ang tiil sini ang ginhigtan man sang alambre.

Sa interview naman sa hepe sang EB Magalona Police Station nga si Police Captain Wilfredo Benoman, may mga gunshot wounds ang biktima kag may karatula pa nga nakuha sa kilid sang bangkay sini nga may nakasulat nga “Pusher ako, tularan niyo, nang malaman niyo”.

[image: image.png] <www.facebook.com/rmnbacolod/?__cft__[0]=AZUiXZJ5oZEmja2-UpmsIQdiI5aCSFTadTkroiXOjyEgFo5Ud0MHGz9gkp98nletO6rqYXyyFtW0-SuP4bEQoIUUaDgt37fR_n_QNLZnwPl4eubzs8LcgPmvNQr-e3TVCmje5XN2xam1MiMeflU9alyZUa9bPSPv8golko7NU3jgAgNVGJwkHTXSRpWAXovdNyUCHYEdoRvCLEsU3ahvCxr-&__tn__=%3C%2CP-R>

Facebook Comments