Davao City- Patay ang driver sa motorsiklo human mibangga sa usa ka truck pasado alas nueve sa kagabhion sa Crossing Bayabas Toril Davao City.
Dead on arrival ang biktima nga si Helbert Logronio, 24 anyos, nagpuyo sa Barangay Dalia Toril human mibangga ang iyang motorsiklo sa usa ka truck nga gimaneho ni Darwin Obrero, 29 anyos nga taga Kalubihan, Barangay 76-A ning dakbayan.
Sa imbestigasyon sa Traffic Section sa Toril PNP, parehong nagdagan sa susamang direksyon ang duha ka sakyanan subay sa may dalang Agton, apan pag abot sa traffic light sa Crossing Bayabas kalit nga mibangga ang motorsiklo ni Logronio rason sa iyang pagkapasok ilawom sa truck.
Daling miresponde ang mga personhe sa Central 911 ug gidala ang biktima sa St. John of the Cross Hospital apan gideklara ra gihapon’g patay ang biktima.
Nisurender sa Toril PNP ang driver sa truck ug gibalhog na sa prisohan samtang giandam na ang kasong ipasaka sa piskaliya batok kaniya.
Kasamang Erin Lumosbog
