Davao City – Naugdaw ang 24 ka mga panimalay atol sa nahitabong sunog sa Purok 10 Bucana Barangay 76-A syudad sa Davao alas-9:15 ganinang buntag.
Base sa report gikan sa Bureau of Fire Protection Davao (BFP-Davao), gawas niini nga datos aduna usab pito ka mga panimalay ang gikonsiderang partially damage.
Nagsugod ang sunog gikan sa ikaduhang andana sa pinuy-anan ni Merna Jenovia ug posibleng napasagdan nga niluto ang hinungdan sa maong sunog.
Matod kang BFP Senior Fire Officer 2 Ramil Gillado, muabot sa kapin 700 thousand pesos ang damyos sa maong sunog.
Mideklara og fire-out ang kabumberohan alas-10:55 sa kabuntagon ug walay natala nga nasamdan sa maong sunog.
RadyoMaN Don Pulayao
Facebook Comments
