24 ka Zambosurian nga sakay sa unang commercial flight sa syudad nagnegatibo sa rapid test

48

Pagadian City – Nagnegatibo sa rapid test ang 24 ka Zambosurian nga apil sa 54 ka mga pasahero nga sakay sa unang commercial flight sa syudad sukad niadtong Marso niining tuiga gumikan sa gipatuman nga quarantine dala sa hulga sa Covid-19.
Ang (54) ka pasahero nga sakay sa Airline Company nga Cebu Pacific nitugpa sa Pagadian City Airport alas 8:20 kagahapon sa buntag.
Ang ZamboSur COVID19 Sub Task Force for Locally Stranded Individuals ug Returning Overseas Filipinos maoy nisugat ug ni-atiman sa mga niabot kauban usab City Inspectorate Team.
Ang mga namauli nga walay sundo, gihatod kini Integrated Bus Terminal aron masiguro nga dili sila makalibot o makahapit sa syudad.
Una nang gibutag sa Civil Aviation Authority of the Philippines kun CAAP nga dunay mga gihan-ay nga protocol ang local nga kagamhan alang sa mga motugpa sa syudad usa na niini ang pagsala kanila pinaagi sa rapid testing.
(Photo courtesy: VicTourism)

Facebook Comments