Bukidnon – Anaa pa sa 24 sulod sa 464 ka mga barangay sa probinsya sa Bukidnon ang gideklarang drug-cleared sa Philippine National Police ug Philippine Drug Enforcement Agency kon PDEA Region 10.
Sa interview sa RMN Malaybalay ngadto kang Police Senior Inspector Jessel Longakit, ang spokesperson sa Bukidnon Provincial Police Office gibutyag niini nga ang mao nga ihap ang pinaka-ulahi nga datos nga gipagawas sa PDEA 10.
Matud ni PSI Longakit nga naglangkob kini sa Barangay Dalacutan sa lungsod sa Cabanglasan; Brgy. Migkuya, San Vicente ug New Visayas sa lungsod sa Dangcagan; Brgy. Aludas sa Damulog; Brgy, Mauswagon ug Kawilihan sa Don Carlos; Brgy. Bolunay sa Impasug-ong; Sampaguita sa lungsod sa Kibawe; Brgy, Kahusayan ug Mabuhay sa Kadingilan; Brgy. Baclayon sa Lantapan; Brgy. Palabukan ug Ma-ambong sa lungsod sa Libona; Tulo usab sa siyudad sa Malaybalay nga mao ang barangay sa Manalog, Kulaman ug Indalasa; Brgy. Dahilayan sa lungsod sa Manolo Fortich; Brgy. Conception ug New Eden sa Pangantucan; Brgy. Tugop sa San Fernando; Brgy. Lubyagan sa Sumilao; Brgy. Kalawingan sa Talakag ug usa lang usab sa Valencia City nga mao ang Brgy. Catumbalon.
Apan giklaro sa opisyal nga aduna pay gi-endorso sila karon ngadto sa PDEA 10 ug nagpaabot na lamang sila kung mahuman na ug verify sa PDEA.
