Siocon, ZN – PATAY nang napalgan ang usa ka 25-anyos nga babaye human dagita sa tulo ka mga lalaki sulod sa ilang panimalay sa niaging gabii didto sa Barangay Malipot, lungsod sa Siocon, ning lalawigan sa Zamboanga del Norte.
Giila sa kapolisan ang biktima nga mao si Feroza Hugasan Mindoon, 25 anyos, minyo, lumulupyo sa susamang dapit.
Si PO2 Siegfried Dela Cruz Investigator sa kaso, nitbutyag sa interview sa rmn dxdr nga ang bikitma gikataho sa ilang buhatan mga alas 11:30 sa niaging gabii, pogsanon gidagit sa tulo ka wala hiilhing lalaki, sulod sa ilang panimalay ug gidala palayo sa dapit, diin walay nahimo ang kauban nining pag-umangkon.
Pagkaugma alas 3:45 sa hapon, napalgan nalang didto sa kasagbutan bahin sa dapit, gibanabanang 100 metros ang gilay-on gikan sa ilang balay ang patay nga lawas sa biktima nga dunay daghang samad tinigbasan, gituohang gilugos ayha gipatay gumikan kay hubo na ang sapot.
Sa gihimong post mortem examination ni DRA. Mary Theresa Acevedo ang municipal health officer (MHO) ngadto sa patay’ng lawas sa biktima nasuta dunay samad tinigbasan sa ulo, ingon man hapit maputol ang liog ug mga bon-og sa lawas indekasyon nga nihana pa ug sukol ang bikitma.
Migawas sa resulta sa medico-legal certificate nga giluwatan ni DRA. Acevedo positibo nga gilugos gayud ang biktima dihang nakitaan ug sperm cells ang kinatawo niini.
Sa follow-up imbistigasyon sa kapolisan siocon ug base sa gibutyag sa witness nga ang usa sa suspetsado nailhan niining nga si AL-NASER P. NIYAN, 32 anyos minyo, former overseas filipino worker lumulupyo sa susamang barangay nga mao karon ang target sa hot pursuit operation sa kapolisan uban ang kasundalohan. (rm)
