Davao City- Nagping-it karon sa kasakit ang usa ka habal-habal driver human gidunggab alas 2:30 sa kadlawon sa km.17 Ilang, Bunawan District, syudad sa Davao, tungod sa selos.
Ang biktima mao si Christian Castillo Merculita, 19 anyos, samtang ang suspetsado mao si Ralph John Tejano, hamtong ang edad, parehong nagpuyo sa nasampit nga lugar .
Sumala sa imbistigasyon ni Police Officer 3 Roldan Aquino, imbestigador sa Bunawan Police Station, igo lang gihatod sa biktima ang minor de edad nga si alias Inday sa ilang pinuy-anan sakay sa single motorcycle, kalit kining gibabagan sa suspect ug gilayong gidunggab igo sa iyang kilid. Human sa insidente, gilayong milayas ang suspetsado, samtang ang biktima gihatod sa Southern Philippines Medical Center (SPMC).
Kasamang Bernard Pantallon
