Nadakpan ang usa ka 25 anyos nga inahan human nini naaktohi sa kapolisan ug mga sakop sa International Justice Mission nga nagkuha og video sa hubo nga lawas sa iyang 4-anyos nga anak nga babayi sulod sa ilang panimay sa usa sa mga Barangay sa lungsod sa Minglanilla.
Nilampos ang Women and Children Protection Center-7 ug mga personnel sa IJM sa pagrescue sa 4-anyos nga batang babayi ug sa usa ka 15 anyos nga dalaga nga igsoon ra usab sa suspek.
Ang video nga nagpakita sa hubo nga lawas sa mga menor de edad gamiton sa suspek aron ibaligya sa mga langyaw nga gustong mopalit niini bugti sa kwarta.
Human makadawat ang mga otoridad sa report sa concern citizen sa iligal nga aktibidad sa suspek gilusad dayon sa WCPC ang online investigation samtang ang mga polis nihimo og online surveillance.
Ang suspek mag-atubang og kalapasan sa REPUBLIC ACT 9208 KUN ANTI TRAFFICKING IN PERSONS ACT, samtang ang mga menor de edad itugyan sa WCPC ngadto sa DSWD.
