Naval, BILIRAN – Nalumos patay an usa nga tres anyos nga bata nga lalaki ha Sitio Mocal-Bocal, Barangay Catmon, Naval, Biliran.
Basi ha report han Naval PNP, ginkilala an nalumos nga bata nga hi Reynan Pantas nga residente ha nasabi nga lugar.
Ha nagawas nga imbistigasyon han mga otoridad, nangangarigo ha dagat harani ha ira lugar an biktima upod an bugto ngan patod hini han umabat hin kakuri paglangoy an tres anyos nga bata.
Han nagpupulupuko na an biktima, tigda nga umabat hin kahadlok an bugto ngan patod hini sanglit ira anay ini ginbayaan ngan nangaro hin bulig ha ira kag-anak pero pagbalik upod na an kag-anak in naglulutaw-lutaw na ha kadagatan an biktima.
Gindara dayon ini ha Biliran Provincial Hospital pero dead on arrival na ini.
Facebook Comments
