General Santos City–Giandam na sa kapulisan ang kasong kalapasan sa Art.2 Section 5 sa RA 9165 kon Comprehensive Of Dangerous Drugs Act Of 2002 nga atubangon sa suspetsadong si Alfredo Sacil, 25 anyos, nanimuyo sa block 4 Docci Village Brgy.Poblacion, Polomolok, South Cotabato.
Kahinumduman nga una ng nasikop ang nasampit nga suspek alas 5:30 sa hapon niadtong milabayng adlaw sa naasoyng lugar human gipahigayonan ug operasyon sa mga personahe sa Polomolok PNP batok illegal nga droga.
Nakadawat matud pa ug impormasyon ang Polomolok PNP gikan sa wala nagpaila nga impormante nga kining suspek nalambigit ug nagabaligya ug droga rason nga gipahigayonan og operasyon sa otoridad.
Malamposong nasikop ang nasampit human napalitan og druga sa nagpakaron ing-non nga poseur buyer nga sakop usab sa operative team gamit ang P500.00 nga buy bust money.
Nakuha sa suspek ang usa ka sachet nga gituohang shabu nga maoy napalit sa pulis ug ang 500 ka pesos nga buy bust money.
Sa karon nagtingkagol sa silda sa PMPS ang maong dinakpan.
