25 cases sa online sexual exploitation sa kabataan natala sa Talikala

24
Davao City – Gibutyag sa Talikala Incorporated anaa sa 25 ka mga kaso sa Online Sexual Exploitation of Children (OSAEC), ang natala sa ilang opisina diin 12 anyos ang pinakabatang biktima.

Sa interbyu sa DXDC RMN Davao kang Jeanette Ampog, Executive Director sa Talikala Inc., gibutyag niini subay sa pagbutyag sa mga kabataan nagsugod ang unang insidente sa tuig 2020 diin pinaagi sa social media app., sila ginapangayoan og pictures nga hubo; pagbaton og sexualize conversation o kaha sila padal-an og pictures nga nagpakita sa pribadong parte sa tawo.

Pahimangno ni Ampog sa mga ginikanan o sa mga hamtong nga i-monitor ug desiplinahon ang mga menor de edad ilabina sa paggamit sa ilang gadgets aron malikayan ang maong mga panghitabo.

“Unsa (dapat) ‘tong guided nga screen time. Unsa diay ang pwede lang nato i-expose sa bata. Unsa lang diay ang ipatan-aw sa bata. So, maging discriminating ang mga adult in terms of content,” sulti ni Ampog.

Panawagan usab sa Talikala Inc. sa gobyerno nga magbaton og balaod nga mututok sa OSAEC kung unsa ang mga prohibited acts, unsa ang silot sa mangabuso sa kabataan ug unsa ang mga programa, serbisyo o intervention niadtong kabataan nga nabiktima sa pagpangabuso.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments