Suspek sa Marilog hit and run incident padayong giila

Davao City – Ginaabot karon sa Marilog Police Station (PS) nga mutahan sa kapulisan ang driver nga nakabangga o responsible sa hit and run incident diin usa ka menor de edad ang namatay niadtong Huwebes (Hulyo 21, 2022) sa Marilog District, Davao City.

Sa interbyu sa DXDC RMN Davao kang Police Major Amante Nozares, Office in Charge (OIC) sa Marilog PS, giila niini ang biktima nga si Cyril James Martir, residente sa Sitio Lumondao, Barangay Marilog District, ning syudad.

Saysay ni Nozares, nakaagi sa lubak nga dalan ang usa ka Ford Everest white nga gidrayban sa wala pa mailhing suspek ug didto niini nabangaan ang biktima. Nadala pa sa Southern Philippines Medical Center (SPMC) ang bata apan namatay ra usab kini.

“Siguro nabulaga sa lalom nga portion sa dalan. Niapil siya og likay. Didto sya nadala sa pikas na lane which is opposite na nga lane. Naa ang bata didto. So, nahagip niya,” saysay sa pulis.

Nasayran nga nipaabot na og tabang ang suspek sa pamilya sa biktima ug padayon pang ginasuta kung kasohan sa pamilya ang suspek diin kini posibleng mag-atubang og kaso.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>