Davao City- Musumada sa P28.6M ang kantidad sa smuggled cigarettes nga nasakmit sa Naval Forces Eastern Mindanao sa Motorized Banca nga MHUFAR-3 sa Balut Island, Davao Occidental.
Matud ni LCDR Jerome Mauring, NFEM Public Affairs Officer, 25 ka mga crew ang nadakpan kansang sakay sa watercraft nga gibyahe pa gikan pa sa Tawi-tawi.
Wala nahimayon nga planong paghatod sa smuggled cigarettes sa Malita, Davao Occidental dihang naharang na kini sa barko sa Philippine Navy nga PS37 Artemio Ricarte.
Na-turn over na sa PNP ang mga nadakpang crew nga nalambigit sa pagpalusot og mga sigarilyong walay dokumentos.
Kasong paglapas sa RA 4712 kun an Act amending certain sections of Tariff and Customs Code of The Philippines ang atubangon sa mga suspek.
RadyoMaN Aimee Guinita
Facebook Comments
