Sa interview sa DXDC RMN Davao kang Kagawad Roland Año, sa Barangay Masara, iyahang gibutyag nga subay sa pag-inspeksyon sa concerned agency, dili na luwas kapuy-an ang ilang barangay, hinungdan nga ginapangitaan karon og permanenting lugar nga kabalhinan sa mga residente.
Matud ni Año nga sa pagkakaron, adunay temporary shelter nga ginatukod sa Barangay Elizalde, Maco nga pwede usab nga kapuy-an sa mga apektadong residente.
“Sa pagkakaron, kung basehan nato ang gipagawas nga memorandum from Mine and Geosciences Bureau, nakabutang gyud didto nga high risk na gyud ang among barangay. Maka-sad, makaluya kay tungod there’s no place like home (but) we have to abide with the law. Kung unsa man ang ginamando sa gobyerno, atoa lang sundon,” saysay ni Año.
Sa kasamtangan, adunay dul-an 200 ka pamilya gikan sa Brgy. Masara ang anaa karon sa Lorenzo Sarmiento Sr. National High School sa Mawab, asa gitunol sa DXDC RMN Davao ang mga donasyon nga natigom gikan sa RMN Oplan Tabang ilawom sa RMN Foundation alang sa mga naapektuhan sa kalamidad.
RadyoMaN Kirby Manzon
