Davao City – Mokabat sa 25 ka mga tawo ang nasikop sa gihimong “One Time, Big Time” nga kampanya batok ilegal nga sugal sa area of responsibility lamang sa Sta Ana PNP dinhi sa siyudad.
Sumala ni Chief Inspector Hamlet Lerios, hepe sa Sta. Ana Police Station, resulta kini sa ilang gipakusgan nga kampanya aron hingloan ang dakbayan sa ilegal nga sugal.
Ang 25 ka mga tawo gilangkuban sa duha nga nasikop kinsa naga pataya og last two digit, upat ang hantak, onse ang nag-tong-its, walo ang nag-mahjong. Nakumpiska sab ang duha ka mga video karera machines ug upat ka fruit game machines.
Ang mga dinakpan gitakdang pasakaag kaso tungod sa kalambigitan sa illegal gambling.
Kasamang Bernard Pantallon
Facebook Comments
