Nagpositibo sa Covid-19 ang 25 sa 1,665 ka mga market vendors nga ginpaidalum sa surveillance test nakaligad nga sabado.
Sa official statement ginpahayag ni Bacolod City Mayor Evelio Leonardia nga daku ang parte sang mga market vendors sa kadalag-an sang pagpatigayon sang testing.
Ginpasiguro man sang alkalde nga ginapatuman ang minimum health protocols sa mga merkado agud masiguro nga safe ini para sa publiko.
Dugang pa sang alkalde nga pinaagi sa sini nga datos, sarang nga ma-assess kon epektibo gid man ang safety protocols nga ginapatuman sang mga market supervisors.
Sa pinaka-ulihi nga datos sang Department of Health – Western Visayas Center for Health Development, may yara sang 4,423 total confirmed cases sang Covid-19 sa Bacolod kon sa diin 755 ang active cases.
Nagdangat naman sa 3,554 ang naka-recover samtang 114 Covid-related deaths.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
