Nasapwan nga wala na sang kabuhi ang isa ka persona sa nabukid nga area sa Sitio Dal, Barangay Malugong, Tboli, South Cotabato, alas 9:00 sang aga, Nobyembre 20, 2021.
Ginkilala ang biktima kay Joan Batok Aron, 26-anyos, single kag residente sang Purok 4, Barangay Malugong, Tboli, South Cotabato.
Base sa imbestigasyon, sang Nobyembre 8 subong nga tuig ang biktima ang ginreport sa T`boli MPS, Sub- Station sa Sitio Tablogan, Brgy Aflek, Tboli, nga nadula kag wala na nakapauli sa ila balay sa Purok 4, Barangay Malugong sa nasambit nga banwa.
Ginpangita ang biktima sang iya pamilya kag nasapwan na lamang sang iya nga step father nga wala sang kabuhi sa pil-as sa nasambit nga lugar kag yara na sa state of decomposation.
Sa subong nagapadayon ang imbestigasyon sang T`boli MPS sa insidente.
