General Santos City–Malampusong nasikop sa hiniusang pwersa sa Police Station 4, Police Station 3 ug PDEA 12 sa ilahang gipahigayon nga buy-bust operation ang usa ka Kevin Mondejar alyas Kev, 26 anyos nga nanimuyo sa Aquino Village Kaunlaran, Yumang Extension, Barangay San Isidro alas 2:00 ang takna sa kaadlawon sa No. 4 Jessa Mae Apartment nga nahimutang sa Denoga Subdivision, Barangay Lagao ning syudad human namaligya matud pa kini ug usa ka sachet sa gikatahapang shabu.
Sumala pa ni Kath Abad ang Tigpamaba sa PDEA 12 nga atol sa pagdakop sa suspek lakip nga gidakop ang uban pang kauban niini sa maong lugar nga usa diay ka drug den nga silang Revin Arky Mondejar nga gituohang source sa droga sa nahisgutang suspect ug ang mga parokyano sa maong drug den nga silang Andrey Allen Barriatos kansa nagrenta sa maong balay ug gikaingong maoy nagamentina sa drug den, David Calsis Alyas Dave, 22 anyos, nga Taga Barangay Conel ug Aaron Causing, alyas Ron, 21 anyos, estudyante ug nanimuyo sa Susana Homes, Barangay Lagao.
Nakuha matud pa sa area ang gibana-banaang 11 ka gramo sa gikatahapang shabu nga anaa sa P74, 000.00 ang kantidad; 2 ka empty small sachet nga dunay residue sa gituohang shabu; mga drug paraphernalia ug ang P500.00 nga mark money.
Dugang pa ni Kath Abad nga pipila usab ka simana nga gisundan sa otoridad ang mga nahisgutang suspect human migula ang ilang pangalan sa mga nagapamaligya ug iligal nga droga.
Kasong kalapasan sa sec 5 sa RA 9165 ang atgubangon ni Kev, samtang sec. 6 kon pagmintina ug drug den ang atubangon ni Andrey, samtang kalapasan sa sec 11 usab ang atubangon ni Arky ug sec 7 kon pag bistita sa drug den ang atubangon sa lain pang tulo ka mga suspect nga parehong priso karon silda sa PDEA Regional Office-12.(Dave Silagan)
