ILOILO City – 26 ka mga tawo ang nagpositibo sa Corona Virus disease sa Brgy. Bo. Obrero, Lapuz. Ini ang isa sa may pinakadamo nga transmission sang COVID-19 sa isa gid lamang ka adlaw sa syudad halin sa isa ka barangay.
Suno kay Mr. Jeck Conlu ang COVID Spokesman sang syudad sang Iloilo, naka surgical lockdown na ang lugar nga may ara sang nagpositibo sa virus.
Pahayag ni Conlu, nag-umpisa ang ila contact tracing matapos nga may isa ka empleyado sang banko nga ginswab apang wala nagpabalo. Paggwa sang resulta, sa 42 ka mga tawo ginpaidalum sa swab test, 26 gid ang nagpositibo sa balatian.
Isa sa mga rasun sang madasig nga paglapta sang kagaw bangud sang dikit-dikit nga pamalay kag may ara sang namatyan pa sa lugar.
Facebook Comments
