Naglab-ot na sa 260 ang kaso sang nagpositibo sa Coronavirus disease ukon COVID-19 sa rehiyon dose, matapos nga nadugang ang 14 nga panibag-o nga nagpositibo sa nasambit nga balatian kahapon nga adlaw, Hulyo 30 base sa datos sang Department of Health region 12.
Sa 14 nga datos sang ahensya kahapon nga adlaw sa nagpositibo sa balatian, syam dire ang taga-South Cotabato kag lima naman ang taga-Sultan Kudarat nga lunsay may-yara sang travel history ukon mga locally stranded individuals nga naghalin sa mga lugar nga may-yara sang local transmission sang COVID-19.
Base sa datos nanguna ang Saranggani province sa may madamo nga confirmed COVID-19 nga may 65, ginasundan sang South Cotabato may 56, Sultan Kudarat -45, North Cotabato -36, General Santos City 30 kag Cotabato City 28.
Samtang sa 260 ka kaso, yara na sa 113 ang nakarekober na sa COVID-19 sa rehiyon.
May-angot sini,padayon nga ginaawhag sang DOH 12 ang mga pumuluyo nga padayon nga ipatuman ang physical distancing, pagsuksok sang mask, hand washing kag iban pa agud malikawan nga maigo sang COVID-19.
