Natigayon nga makuha sa tiyan ni Maksood Khan, 28 anyos kag rickshaw driver gikan sa Satna district sa central state sang Madhya Pradesh ang kadena, turnilyo, 263 ka coins kag ginabulubanta 100 ka lansang.
Una nga nagreklamo sang pagpalanakit sang tiyan si Khan apang sang gin-admit sa Sanjay Gandhi Hospital sadtong Nobyembre 19 kag ginpa-idalom sa X-ray kag ultrasound ang iya tiyan, natukiban sang mga doktor nga may mga metal objects sa sulod kon sa diin may mga coins kag may yara pa razor blades.
Nagpaidalum sa operasyon si Khan sadtong Nobyembre 24 kon sa gingamitan ini sang laparoscope.
Sa karon yara na sa luwas nga kahimtangan si Khan.
Matapos ginpakig-angutan sang mga doktor ang pamilya ni Khan, nagapati ang mga ini nga tuga sang depresyon ang indi kinaandan nga pagginawi ni Khan.
(photo from web)
