Hugot nga gikundina sa 26th IB Phil. Army ang niluog nga pagpatay sa rebelding New People’s A rmy kun NPA sa usa ka sakop sa CAFGU kinsa mitabang lamang sa gipahigayong Brigada Eskwela sa bukirang bahin sa Brgy. Lydia, La Paz, Agusan del Sur.
Ang maong CAFGU nga gipatay, giila na si Felipe Amado, 42 anyos, minyo, sakop sa tribong Manobo ug residente sa nasangpit nga barangay.
Pamahayag ni 26th IB Phil. Army Commander Lt. Col. Romeo Jimenea na off-duty ang biktima dihang mitabang kini sa brigada sa Lydia Elementary School apan sa iyang pagpauli kauban ang laing tulo ka mga kauban giharangan kini sa lima ka mga armadong lalaki ug gipatay.
Niya pa, gawas nga gipusil ang biktima, gipanitan pa ang walang kamot, gidungab ug gilubag ang liog.
[image: cafgu patay.jpg]
