Patay ang 27 anyos nga babaye matapos matiruhan kagab-I sa Zone 8 barangay Calumpang, Molo.
Dead on arrival sa Iloilo Doctor’s hospital ang biktima nga si Belinda Alejo, 27 anyos alyas lyn-lyn nga nakaagum sang pilas sa ulo tuga sang pagluthang.
Suno sa ugangan sang biktima nga nagalantaw sila sang TV sang hinali lamang nga may naglupok kag may igo na ang biktima kabangdanan dali-dali ini nga gindala sa ospital sang ka-live sini nga si Jomar Juario.
Samtang panaysayon sa RMN Iloilo ni Jomar Juario, ginpahayag sini nga ang iya hinablos nga si alyas Benjie amo ang nakaluthang sa iya live-in partner.
Suno kay Jomar nga naga-away-away sila sang iya ka-live in sang magsaligbat ang iya hinablos nga si Benjie kag gintayaan sang pusil ang biktima apang nakibot siya nga naglupok.
Bangud sini, gilayon nga nalagyo si Benjie samtang gindala sa ospital ang biktima apang wala na matabangan.
Subong man, sa imbestigasyon sang kapulisan, indi magtuad si Jomar kon sin-o ang nakaluthang sa iya live-in partner kabangdanan nga ginpriso ini Molo Police station.
