27 grams han ‘shabu’ narikupo ha Tacloban, mga suspek arestado

112

TACLOBAN CITY – Duha nga Newly Identified Drug Personality an naaresto han tinaglawas han Philippine Drug Enforcement Agency (PDEA) Region 8 ha gindumara nga buy-bust operation ha Brgy. 66 Paseo De Legaspi, Tacloban City.

Ginkilala an mga suspek nga hira Manuel Marcos ‘Alyas’ Maui, 20 anyos nga residente han Brgy. 106, Sta. Elena Tacloban City ngan Dante Gumata, 46 anyos, waray trabaho nga residente han Brgy. 66, Paseo De Legaspi, Tacloban City.

Nakuha tikang ha mga suspek an walo ka sachet nga gin-aaligar shabu nga may kabug-at 27 ka gramo ngan may estimated value nga P183,600 ngan drug paraphernalia.

An mga suspek in papasakahan hin kaso ha pagtalapas han Section 5 Sale Of Dangerous Drus, Section 11 Possession Of Dangerous Drugs ngan Section 12 Possession Of Drug Paraphernalia article II han RA 9165. An mga suspek in temporaryo na nga nakapaslak ha Tacloban CPS lock up cell.

Facebook Comments