Estudyante og electrician sikop sa operasyon batok iligal nga droga

16

GENERAL SANTOS CITY – Hagbong sa kamot sa kapolisan ang dalagang estudyante og ulitawong electrician human nga nalambigit sa pagpayuhot og iligal nga droga sa area of responsibility sa Pendatun Police Station niaging gabie sa adlawng Myerkules.

Giila ang duha ka suspek nga silang April Rose Molina 20 anyos nagpuyo sa Laurel East Champaca Street ug Jupit Estamil 23 anyos nagpuyo sa Barangay Conel.

Kahibaw-an nga nakadawat og impormasyon ang kapolisan kabahin sa iligal nga aktibidad sa duha hinungdan gikasa ang operasyon sa Station Drug Enforcement Team og Regional Police Drug Enforcement Unit batok sa duha.

Malampuson nga nadakpan ang mga suspek sa may KTV Bar sa Laurel East og napalitan sa poseur-buyer nga pulis gamit ang 3 mil pesos nga marked money.

Narekober sa otoridad ang lima ka pakete sa shabu nagbalor og 6 mil pesos ingon man ang buy bust money.

Gitugyan ngadto sa Regional Crime Laboratory Office ang ebedensyang shabu aron sa pagpahigayon og qualitative og quantitative analysis.

Balhog sa karon ang duha ka mga suspek nga nag-atubang sa bayolasyon sa Comprehensive Dangerous Drugs Act.
For more info’s and updates, like and share our official facebook account : www.facebook.com/ifm91.9Gensanofficial/

Facebook Comments