27 pesos nga NFA rice, mapalit na sa Cogon Market

PC: CIO

Mapalit na sa merkado sa Cogon ang tag 27 pesos nga kilo sa NFA rice sugod kagahapong adlawa.

 

Kini human gilusad sa National Food Authority kon N-F-A, Department of Agriculture kon D-A, Department of Trade & Industry kon D-T-I, CDO-City Price Coordinating Council kon C-D-O-C-P-C-C, City Councilor George Goking, chairman sa committee on commerce & trade, Cagayan de Oro City Police Office ug Grains Retailers Confederation ang Suggested Retail Price kon SRP para sa mga bugas.

 

Giklaro usab ni C-P-C-C Co-chairman Atty. Jose Edgardo Uy nga lima lamang ka kilo nga NFA rice ang mahimong mapalit matag konsumante aron mahatagan og kahigayonan ang tanan nga makapalit og baratong bugas.


 

Alayon niini, mosuroy ang N-F-A, D-A, D-T-I, C-P-C-C ug COCPO sa tanang merkado ning syudad aron susihon kon nituman ba sa SRP ang mga rice retailers.

 

Nasayran nga local ug imported rice na ang ibutang nga labeling sa mga bugas ug giwala na ang nagkadaiyang mga pangalan nga maoy naandan nga classification sa bugas.

 

Sa mga imported well-milled rice, 39 pesos ang SRP matag kilo, ang premium well-milled rice nga 5 percent broken grains anaa sa 40 pesos matag kilo ang SRP.

 

Apan kung dos porsyento lamang ang broken grains mas mahal ang presyo niini ug mahimo nga 44 pesos ang matag kilo.

Facebook Comments