Giklaro sa National Meat Inspection Service Regional Office 10 nga walay angay kabalak-an sa nakumpiska nga 277 ka kilos nga frozen pork meat sa lungsod sa Maramag ning probinsya sa Bukidnon kay walay apil ang France sa ban tungod kay wala maapektohi ang maong nasud sa African Swine Fever kon ASF ug legal ang pagsulod niini sa Pilipinas apan wala lamang nakakuha ug insaktong permit.
Una niini, mukabat sa 277 ka mga kilos o anaa sa 13 boxes ka nga frozen pork meat nga gikan sa nasod France ang nakumpiska sa Maramag.
Matud nu Dr. Vilma Garay, nga ilang gikumpiska ang maong mga imported nga karneng baboy gikan sa negosyanteng ug usa sa mga stall owner sa Maramag Public Market tungod kay gikonsidera kini nga mga hotmeat human sa abiso gikan sa NMIS-10 kay wala kini mi-agi sa ilang buhatan.
Human nakumpiska, gilubong kini sa mga tinugyanan sa slaughter house sa Maramag ang maong mga imported nga karneng baboy.
Samtang sa interview sa RMN Malaybalay ngadto kang *DA*-*10* regulatory division chief *Juliet Araos* gibutyag niini nga kabahin kini sa regular nga trabaho sa NMIS ug wala kini kalambigitan sa ASF.
Matud ni Araos nga natunong lamang ang maong pagkumpiska sa taliwala sa isyu karon sa ASF.
Pasabot nga kinahanglan mag-agi sa NMIS 10 ang tanang imported meat nga gikan sa gawas sa nasud ayha ma-dispatch sa mga kamerkaduhan.
