General Santos City—Luwas na sa kuyaw nga kahimtang ang usa ka 28 anyos nga babaye nga ginganlang si Alias Cherry Lou, 28 anyos, residenti sa Barangay Bula, Gensan kansa una nang gidala sa ospital human nga miinum ug Clorox ala 1:00 ang takna sa hapon, adlawng Domingo, Dec. 9, 2019.
Base sa tala sa Dr. Jorge Royeca Hospital nasayran nga ayna miyarok ug Clorox ang nasampit nga ginang naglalis matud pa sila sa iyang kapuyo human nga wala kini tagae ug pamalit ug bugas.
Tungod sa tumang kadismaya nahimo sa ginang ang pag-inum ug Clorox nga miresulta sa paglain sa iyang lawas.
Depensa sa kapuyo sa biktima nga wala sya makahatag ug pamalit ug bugas tungod gitaguan man sa ginang ang Susi sa ilang Sikad nga maoy iyang gigamit sa panginabuhian maong wala sya makabyahe.
Sa karon anaa na sa ilang panimalay ang biktima ug nagpaayo nalang human gitugutan sa iyang attending Physician nga makauli sa ilang panimalay.
