Pagadian City – Nahulog sa mga kamot sa otoridad ang 28 anyos nga lalaki nga pinangita sa balaod human nadakpan sa gikasa nga police operation ala 1:40 kagahapon sa buntag sa Purok Madasigon, Brgy. Lala ning syudad sa Pagadian.
Malampuson nga nadakpan ang target nga si Raymund Espenoza Malinao, residente sa nahisgutan nga lugar.
Ang pagdakop sa suspek gipasikad sa gahom sa Warrant of Arrest sa kasong pagalapas sa Akta Republika 7610 kun _Special Protection of Children Against Abuse, Exploitation and Discrimination Act_.”
Armado ang kapulisan sa maong mandamiento de arresto nga gipagawas ni Judge Analyn Ramas Costanilla sa Regional trial Court, 9th Judicial Region , Branch 22 , Pagadian.
Ang akusado gipaslak sa Pagadian City Police Station lock-up ug makagawas lamang kun makatunol sa pyansa nga mobalor sa 20 mil ka pesos.
